Útbúnaður leikmanna. Til stjórnar.

  • Skrifað af Gautilicious fyrir meira en 681 vikur

    Ég var staddur á leik FC Keppnis - Henson í gær og verð að lýsa yfir óánægju minni á Henson liðinu og spurning hreinlega hvort á ekki að tilkynna svona lagað. Til hvers að hafa reglur ef ekki er farið eftir þeim.

    Samkvæmt 9.gr.

    9. gr.

    Útbúnaður leikmanna: Liðin skulu spila í treyjum með númeri og skulu þær allar vera eins útlítandi. Ekki er heimilt að nota límbönd o.þ.h. til þess að númera treyjur. Leikmenn mega ekki skipta um treyjur. Óheimilt er að spila í skrúfutökkum. Leikmenn skulu spila í legghlílfum. Ef ekki er farið eftir þessum reglum er dómara skylt að vísa leikmanni af velli og annar kemur í hans stað.


    Henson liðið spilar venjulega í sínum Ajax búningum en í leiknum í gær voru nokkrir menn sem annaðhvort gleymdu honum heima eða eiga hreinlega ekki búninga og spiluðu í vestum og öðruvísi búningum. Í fyrra vorum við hjá FC Keppnis teknir í gegn fyrir þetta vegna þess að markmaðurinn komst ekki í leik og þurftum við þá að teipa númer aftan á treyju varamarkmannsins, eins og það hafi skipt öllu máli.

    Og svona eitt í restina, Það skal enginn Henson gaur reyna segja mér það að maðurinn sem spilaði í tereyju númer 3 í gær hafi verið fæddur 1974 eins og lekskýrslan sagði.

  • Skrifað af maggi fyrir meira en 681 vikur

    Móttekið.

  • Skrifað af bragisk fyrir meira en 681 vikur

    Ég þakka Keppnis fyri drengilega spilaðan leik þar sem bæði liðin áttu gullin marktækifæri og möguleika á því að vinna leikinn. Ég viðukenni fúslega að útbúnaður okkar manna var í ólestri fyrir leikinn og tveir leikmanna okkar spiluðu í hvítum treyjum þar sem annar þeirra hafði fundið sér rautt vesti.

    Þannig er mál með vexti að við erum að sameinast moppunni og hefur mikið gengið á í þeim málum. Þarna vorum við að spila okkar fyrsta leik saman og skiljanlega vantaði okkur fleiri búninga. Þeir voru ekki komnir úr prentun fyrir leikinn og tilkynnti ég dómara leiksins það skilmerkilega fyrir leik og spurði ég hann ítrekað hvort að þetta væri í lagi. Annars hefði ég aldrei leyft þessa aðferð. Hin leiðin hefði verið að fara upp í 1xx tölur þar sem menn skiptu um búning. Keppnismenn komu aldrei með athugasemd við okkur mann við mann. Ef Keppnis vill kæra leikinn vegna þessa eða leikskýrslumáls þá er þeim guðvelkomið að gera það. Látum það þá fara fram á réttum stað en ekki á vælubílaspjallinu.

    Og svona eitt í restina, ég er með yngstu leikmönnum Henson og er fæddur 1978 og lít bara þokkalega unglega út, takk kærlega fyrir!

  • Skrifað af bragisk fyrir meira en 681 vikur

    P.s. ég er svo sannarlega ekki að kalla Keppnismenn vælubílakalla bara það að þetta spjall breytist fljótt í eitthvað því líkt ef ekki er haldið rétt á spöðunum.

  • Skrifað af addorri fyrir meira en 681 vikur

    Hvernig fór leikurinn?

  • Skrifað af bragisk fyrir meira en 681 vikur

    0-0

  • Skrifað af Formann fyrir meira en 681 vikur

    ég sá að Henson fékk 0 stig en keppnis 3, var þeim dæmdur sigur  ?

  • Skrifað af gaui fyrir meira en 681 vikur

    Henson notaði ólöglegan leikmann og þarf af leiðandi dæmist leikurinn tapaður 3-0

    Vonandi að við í stjórn þurfum ekki að tækla mörg svona mál.

    KV GAUI

  • Skrifað af bragisk fyrir meira en 681 vikur

    Það er hér með áréttað að drengurinn sá er ekki ólöglegur innflytjandi og hefur engin lög brotið. Hins vegar var hann ekki skráður til leiks. En þar sem þessir vellir í Utandeildinni eru út í fokking rassgati þá leyfðum við honum að spila greyinu til þess að hafa ekki keyrt alla þessa leið til einskis. Leikurinn fór 0-0 eftir 80 mínútur og við í Henson játuðum að fyrra bragði þetta á okkur. Það getur Maggi í stjórn Utandeildarinnar staðfest. Við höfum því ákveðið að rúlla upp restinni af þessum riðli sem virðist vera frekar einfalt mál fyrir okkur... Erum nefnilega hoknir af reynslu, aukakílóum og aldri... ....rústum þessu... Möllerskál

  • Skrifað af kristjan@sensa.is fyrir meira en 680 vikur

    Við höfum lent í þessum nokkrum sinnum. Við höfum ávalt tekið þá ákvörðun að standa við okkar spilamennsku þó svo hin liðin hafi ekki alltaf verið með pappírana á hreinu. Ég gæti svosem skilið ef einhver kæmi úr efri deildum og skoraði 3 og legði upp önnur 3 en að liggja svona yfir þessu er bara sorglegt. En þessi gaur var nú í vörninni aftarlega og var bara eins góður og við hinir. Hann er í klúbbnum en við vorum bara að sameinast Moppunni nýlega þannig að hann  varð óvart útundan. Ég get snúið þessu við og hef gert það en aldrei komist að slíkri niðurstöðu eins og Keppnis. En ef þetta er það sem þeir vilja þá taka þeir 3 stigin. Þetta er líka C riðilinn ég meina common ! Jæja ég verð bara að segja að ég hlakka til að spila við ykkur næst í Keppnis við munum vinna ykkur því réttlætið sigrar alltaf ! Og líka lítillætið en smámunasemin tapar.

    Fyrir ykkur varnarmenn Keppnis þegar þið horfið á bakið á mér í átt að markinu ykkar þá er ég nr 8 eins og Gerrard.

     

    kv. Henson

  • Skrifað af Blackjack21 fyrir meira en 680 vikur

    ahahahahhaahahahhahaa....

    úúfffffffffffff

    ok nr.8

  • Skrifað af Gautilicious fyrir meira en 680 vikur

    Að sjálfsögðu eru 3 stigin það sem við viljum. Til þess erum við í þessu. Þú talar um réttlæti, hvaða réttlæti er í því að spila með ólöglega leikmenn.

    Btw taaaalandi um að breyta ekki þessu spjalli í væluspjall. Þú nr.8 ert augljóslega sár yfir því að missa af þessu eina stigi sem þið fenguð úr leiknum.

  • Skrifað af Keppnis fyrir meira en 680 vikur

    Jahá, það er aldeilis! Ég heiti Einar Már og hef séð um Keppnis í þau 5 ár sem við höfum verið í deildinni og er þetta í fyrsta skiptið sem við setjum út á eitthvað hjá öðru liði. Ef þið hefðuð komið til okkar og sagt hvernig stæði á hjá ykkur þá hefðum við ekkert sett út á það að hann spilaði en þið tókuð þá ákvörðun að leyna þessu og skrá hann sem annan leikmann, mér finnst það bara lýsa ykkar karakter að velja frekar svindl heldur enn að koma hreint fram og ræða málin! 

    Og þú Stefán talar eins og þetta eigi ekki að skipta máli því þetta er bara C riðill í utandeildinni, ég er ekki sammála því það er verið að gera góða hluti með að halda þessari deild gangandi og myndi hún aldrei ganga ef ekki væru reglur og smá alvara í þessu. 

    Og svona í lokin þá vona ég að þið þurrkið bara sandinn úr píkunum á ykkur, hættið þessu væli og einbeitið ykkur að því að klára skráninguna á ykkar mönnum. 

    Gangi ykkur vel í sumar og ég hlakka mjög til að vinna ykkur næst 3-0 í alvöru.....

    Kv Einar Már Jóhannesson #2 í Keppnis

  • Skrifað af möllerinn fyrir meira en 680 vikur

    Er Bragi í Henson með sand í píkunni?

  • Skrifað af bragisk fyrir meira en 680 vikur

    Möllerinn þykist vera með eitthvað tjútt þessa dagana. Sá hann stefna hraðbyri á AA fund fyrr í vikunni. Veit ekki betur en að gaurinn sé skrjáfaþurr og stefni á að hætta stuðningi við Elliða á næstu dögum og styðja í staðinn SÁÁ með te í brúsa.

     

    Er Möllerinn að taka stórt svikadropp á þennan djöful!

     

    p.s. Keppnis menn. Ég játaði þetta á okkur af fyrra bragði þrátt fyrir að hafa ekki tíundað þetta fyrir ykkur á leiknum. Ég heyrði í M.... Magga í utandeildinni (ég stama) og útskýrði fyrir honum eftir mikil hlátrasköll hvernig ég er lesblindur og les nafnið Sæbjörn sem Sigurður þegar mér hentar. Hættið þessu "mér finnst það bara lýsa ykkar karakter að velja frekar svindl heldur enn að koma hreint fram og ræða málin!" kjaftæði og lifið heilir. Bjóst við karlmennsku af suðurnesjatröllunum. Sjitt Siggi Sveins var að klípa í eyrað á mér!

  • Skrifað af Blackjack21 fyrir meira en 680 vikur

    voðalega eru menn eitthvað æstir..

  • Skrifað af Herminator fyrir meira en 678 vikur

    Hvernig er það, var þessi maður í einhverju öðru liði eða ólöglegur til að spila í utandeildinni? Ef ekki hvað eru menn þá að æsa sig, úrskurður er kominn í þessu máli og það á greinilega að taka hart á þessu máli, sem er vel að merkja eitthvað sem gerist í nánast hvaða einasta leik í utandeildinni, eins og allir vita. Ef þið í Keppnis þykist vera einhverjir dýrlingar í þessum málum þá verði ykkur af, ég leyfi mér að efast að allar leikskýrslur Keppnis séu réttar, en mér er svosem slétt sama enda sé ég ekki hvaða máli þetta skiptir.

  • Skrifað af Keppnis fyrir meira en 678 vikur

    Vá!! Þrem vikum of seint og ekki undir nafni, blessaður vertu haltu kjafti.

    Kv Einar Már Jóhannesson #2 í Keppnis

  • Skrifað af Björn Róbert... SÁÁ fyrir meira en 678 vikur

    ég ætla að vona að þú sért ekki að reyna hrauna eitthvað yfir okkar menn í þessu rugli þínu Bragi minn. kannski bara kominn tími á það að þú viðirkennir vanmátt þinn og farir að skrifa gremjulista síðan gæturu kannski farið að skoða það að komast í lið hjá okkur. held þú verðir samt að taka nokkra tíma með mér í ræktinni á undan ;) en ég skil þig þokkalega við lentum í þessu í fyrra og það var frekar erfitt að kyngja þessu, en vonandi gengur ykkur vel með restina af mótinu

     

    Baráttukveðjur frá Bataboltunum í SÁÁ

  • Skrifað af bragisk fyrir meira en 678 vikur

    Böddi minn, ekki taka skotið á Möllerinn sem skot á ykkur. Þið eruð kátir kappar og hef ég ekket út á ykkur að setja. Ekki heldur Keppnis, fannst þetta mál allt saman stórfyndið og skemmti ég mér konunglega hérna á spjallinu. Annars þá held ég að þetta sé nú full gamalt mál til að vera að hreyfa við því núna. What done is done.

  • Skrifað af Björn Róbert... SÁÁ fyrir meira en 678 vikur

    ég þóttist vita það Bragi. fannst þetta allt bara frekar fyndið og þurfti aðeins að skjóta þessu inní :) Það vantar samt meira inná spjallið hérna almennilegar leiklýsingar en ekki eitthvað tuð á milli liða það virðist oft tómt rugl ganga á milli manna hérna..

Til að leggja eitthvað til málanna þarf notandi að vera innskráður