Ufc Ögni vs Sáá Kæra

  • Skrifað af gaui fyrir meira en 690 vikur

    Sáá kærði leikinn vegna ólöglagarleikskýrslu.

    Þar sem leikskýrslan var ekki prentuð af Utandeildarsíðunni  þá dæmist leikurinn 3-0 sigur Sáá.

    Stjórninn

     

  • Skrifað af joi81 fyrir meira en 690 vikur

    finn til með ögna mönnum.

    enn svona hlutir verða að vera á hreinu...

  • Skrifað af 5*stunna fyrir meira en 690 vikur

    Mér finnst ótrúlegt að menn á þessu stigi keppnarinnar að kæra eftir að leikur er spilaður. Að mínu viti vissu SÁÁ að við (Ögni) værum með sjálfútfyllta leiksskýrslu og hefðu bara átt að segja að þeir ætluðu að kæra áður en leikar hófust (eða í hálfleik) og vinna leikinn með þannig aumingjaskap. Það er vægast sagt ömurlegt að hafa stritað í rúmar 80 mínútur til að ná baráttusigri og vera sviptur þremur stigum út af svona rugli. Liðin spjölluðu saman í sígó eftir leikinn og þá virtist allt vera í góðu en greinilegt er að íþróttaandinn (fair play) sé ekki jafn ríkur hjá öllum. Nú þurfum við Ögna menn að treysta á önnur úrslit og eiga tvo brilljant leiki gegn sterkari liðum riðilsins til að komast áfram og ef það tekst ekki dettum við úr keppni á algjörlega röngum forsendum. Svartur blettur á virkilega skemmtilegri keppni í utandeildinni í sumar. 

    Kv.

  • Skrifað af Diddi fyrir meira en 690 vikur

    Ohh, þetta er ömurlegt, er í Ögna og ég trúi þessu ekki. Grínlaust erfiðasti leikur sem ég hef spilað í 3 ár vinna og tapa síðan á kæru. Þetta er vafalaust það leiðinlegasta sem hefur komið fyrir mig ansi lengi.

  • Skrifað af addorri fyrir meira en 690 vikur

    Þetta er alveg hrikalegt. Við Ögnamenn viðurkennum fúslega að við hefðum getað staðið betur að okkar málum þegar kom að leikskýrslunni. Röð tilviljanna og mannlegra mistaka varð til þess að við gátum ekki prentað út skýrslu af síðunni fyrr en of seint og þá var búið að loka á útprentun skýrslna. Einnig var það algjör skita af okkar hálfu að hafa ekki samband við forráðamenn SÁÁ þegar við vissum að við myndum lenda í veseni með skýrslu. En við verðum því miður að bíta í það súra epli að tapa leiknum á þessu.

     

    Hins vegar vil ég benda á að einn leikmaður SÁÁ var í mismunandi treyju og aðrir leikmenn liðsins og að við fengum ekki þeirra eintak af leikskýrslu. Ég og Gaui í stjórninni erum búnir að ræða þetta og ég veit að dómarinn fékk 2 eintök af þeirra skýrslu en eftir smá umhugsun þá finnst mér það ekki gild ástæða að við höfum ekki tilkynnt brot þeirra.

    Varla getur brot okkar reynst verra eingöngu vegna þess að við tilkynntum ekki þeirra brot. Fyrst og fremst tilkynntum við þeirra brot ekki vegna þess að okkur grunaði ekki að það yrði gert mál úr þessu. Að vitna í að við höfum ekki efni á að kvarta yfir treyjumálum vegna þess að við spiluðum fyrsta leik okkar í deildinni í vestum (fengum undanþágu frá stjórn) er bara rugl.

    Ef einhvers sanngirnis væri að gæta í þessu máli þá ættu úrslitin að standa, eða í versta falli ætti að spila leikinn aftur. En við Ögnamenn vitum að það yrði aldrei tekið í mál. Virkilega svartur blettur á frábærri keppni.

  • Skrifað af joi81 fyrir meira en 690 vikur

    er í sáá og er leiðinlegt að vinna leik svona...

    talandi um fair play þá held ég að öll lið hefðu gert það sama.

    við í sáá höfum lent í þessu sjálfir.enn eins og ég segi leiðinlegur endir á hörku leik..

  • Skrifað af vallisverriss fyrir meira en 690 vikur

    Ég er hjatranlega sammála þessu að það er ekkert leiðinlegra að tapa svona enda erum við ekkert hrifnir að því að vinna svona það var haft samband við okkur af stjórn Utandeildar ekki við-við þá þannig að það var engin að okkur að sækjast eftir þessu hja okkur alls ekki við erum þekktir fyrir að vera prúðir og viljum auðvitað alltaf leggja okkur 100% á vellinum en ekki utan vallar,

     

    en menn verða átta sig á því að þegar það er komið svona langt í keppni þá þarf allt að vera á hreinu. Við leggjum okkur alltaf í að skila öllu réttu mæta klukkutima fyrir leik og verða klárir með skýrslur.

     

    Þið eruð nýtt og Mjöööög gott lið sem eigið eftir að gera helling í þessari deild á næstu árum og þökkum við mjög góðan og erfiðan leik drengir og gangi ykkur vel

  • Skrifað af kramer fyrir meira en 690 vikur

    Ég vil taka það fram, þar sem ég reykti með þér kæri félagi, okkur var ekki sagt frá þessu fyrr en í morgun, svo að það sé á hreinu, hörku leikur og ég skil ykkur vel, vona bara svo sannarlega að við fáum að mæta ykkur aftur og með allt á hreinu í það skiptið.

  • Skrifað af addorri fyrir meira en 690 vikur

    Þið talið um að skila öllu réttu klukkutíma fyrir leik, samt fengum við ekki eintak ykkar af leikskýrslu... Hvað á það að þýða? Ég tala við Gaua hjá Utandeildinni og hann segir að ég "geti komið og sótt okkar eintak til hans". Takk en nei takk vinur, ég nenni ekki að keyra útum allan bæ eftir einhverjum plöggum sem ég á persónulega að fá afhent í leiknum.

    Við erum nýtt og gott lið, það er rétt, og við eigum eftir að gera það gott á næstu árum, en að ræna okkur af tækifærinu til þess að gera það gott á okkar fyrsta ári í deildinni á algjöru formsatriði er skítlegt í besta falli.

  • Skrifað af addorri fyrir meira en 690 vikur

    Eruð þið SÁÁ menn s.s. að segja að kæran sé runnin undan rifjum deildarinnar en ekki frá ykkur?

  • Skrifað af Maggi Þór fyrir meira en 690 vikur

    Stjórn UFc Ögna hefur ákveðið í mótmælaskyni við ákvöruðun stjórnarinnar að segja sig úr keppninni þetta árið og mun gefa síðustu tvo leikina á móti Hjörleif og Khumo.Það er nú oft þannig að hægt er að grafa upp einhvern skít á hitt liðið þegar maður tapar en það gerir auðvitað enginn alvöru íþróttamaður (sem dæmi er búið að nefna hér að ofan vesen á skýrslu og treyjum hjá SÁÁ). Til að undirstrika óánæju sína hefur Ögni því ákveðið að bregðast við með áður nefndum aðgerðum.

    Ögni þakkar fyrir sig þetta árið og við munum koma tvíelfdir til baka næsta ár.

  • Skrifað af addorri fyrir meira en 690 vikur

    Lélegur djókur hjá einhverjum hálfvita hér fyrir ofan...

  • Skrifað af 5*stunna fyrir meira en 690 vikur

    Ég sé ekki um leiksskýrslur Ögna og hélt einfaldlega að samkomulag hefði verið gert milli dómara og liða. Mistök af minni hálfu. Það er samt mín skoðun að ef reglur segja að skýrslu þarf að skila 15 mínútum fyrir leik þá hefur dómarinn enga ástæðu til að flauta leikinn á ef hann er ekki kominn með skýrslu beggja liða í hendurnar. Reglur utandeildarinnar þyrftu að vera að breytt á þann máta að óþarfa orku verði ekki eytt í sigra sem verða síðan teknir af manni.

    Varðandi innlegg addaorra um ólöglega treyju hjá SÁÁ þá finnst mér auðvitað að Ögni ætti að leggja fram mótkæru þannig að leikur getur að minnsta kosti verið spilaður aftur. Er einhver sérstakur tímarammi til kæru? Afsakið fáfræði mína en ég hef ekki verið í stjórn Ögna (þó að því verði vonandi breytt eftir afhroð ábyrgðarmanna okkar) og er því ekki nægilega að mér í þessum efnum. 

    Kv. Gunnar #10

  • Skrifað af vallisverriss fyrir meira en 690 vikur

    Þjálfari okkar skoðaði skýrslu ykkar eftir leik eins og hann gerir eftir hvern leik og var hun alls ekki fullnægjandi.

     

    þetta kemur ekki frá stjórn eins og eg sagdi sem er misskilingur hja mér og dreg ég það til baka;)

     

    mbk Valli

     

     

     

  • Skrifað af hrsteinsen fyrir meira en 690 vikur

    Vantaði eitthvað á skýrsluna eða var hann bara ósáttur við að hún var handskrifuð ?? bara forvitnast þar sem ég skrifaði skýrsluna.

  • Skrifað af Nr13 fyrir meira en 690 vikur

    Leikmenn og stjórn SÁÁ ættu að girða sig í brók og draga kæruna til baka. Leikurinn spilaðist án þess að nokkur athugasemd væri gerð fyrir leik og það ætti ekki að hafa áhrif á knattspyrnuna sjálfa á hvernig pappír skýrslan var skrifuð. En greinilegt á þessu máli öllu að SÁÁ eru lélegur pappír. 

    Með vinsemd og virðingu.

     

  • Skrifað af 0007 fyrir meira en 690 vikur

    Leikskýrslur:

    Fylla skal út leikskýrslu og skila 15 mín fyrir leik, eitt eintak fyrir dómara og annað fyrir mótherja. Leikskýrsla skal innihalda fullt nafn, kennitölu og treyjunúmer leikmanns. Ennfremur skal þar koma fram leikdagur, leiktími, á hvaða velli er spilað og hvaða lið mætast. Dómari sér til þess að skýrsla sé rétt útfyllt. Aðeins leikskýrslur af vef UD, www.utandeildin.is, eru löglegar.


  • Skrifað af 0007 fyrir meira en 690 vikur

    Aðeins leikskýrslur af vef UD, www.utandeildin.is, eru löglegar.

    held að þetta sé alveg málið

  • Skrifað af hrsteinsen fyrir meira en 690 vikur

    Samkvæmt þessu drulluðu bæði lið uppá bak, við Ögnamenn handskrifuðum skýrslu og þeir létu okkur ekki hafa skýrslu en það virðist ekki skipta neinu máli.

  • Skrifað af Harry fyrir meira en 690 vikur

    Nr13.......hvað skiluru ekki ?

    Þetta fattaðist bara í gærkveldi og í morgun og Stjórn utandeildarinar hefur tekið hart á svona hlutum í allt sumar svo að það er eins gott að vera með þessa hluti bara 100% á hreinu.......að sjálfsögðu er svona kært og þið Ögna menn hefðuð gert það nkl sama í okkar stöðu og án efa hvert einasta lið deildarinar svo að ekki vera með eitthvað skítkast út í SÁÁ....það vilja þetta allir jafn mikið !!!

    Vill hins vegar koma því til skila að þið Ögna menn eruð með frábært lið og eitraða leikmenn í ykkar hóp...það var mjög gaman að spila á móti ykkur í gær þrátt fyrir súrt tap !!!

  • Skrifað af binniulla fyrir meira en 690 vikur

    Svar til 0007:

    9 gr. laga: Leikskýrslur

    "Dómari sér til þess að skýrsla sé rétt útfyllt"

     

    Við sögðum dómaranum frá þessu fyrir leik hvernig í pottinn var búið hjá okkur og hann setti ekkert út á það. Það stendur ekkert um að maður þurfi leyfi frá mótherja, ef út í það er farið.

  • Skrifað af Typpi fyrir meira en 690 vikur

    A) Ögni skilar ekki inn leikskýrslu vegna eigin mistaka. Þeir áttu að ræða við SÁÁ fyrir leikinn og greina þeim frá vandamálinu og fá samþykki þeirra. Gott að vera vitur eftir á. Reglur eru reglur - SÁÁ hefur fullan rétt á því að kæra leikinn.

    Það að Ögni hafi ekki fengið skýrslu SÁÁ í hendurnar er ekki á ábyrgð SÁÁ vegna þess að þeir afhentu dómara tvær skýrslur. Dómari gleymir að afhenda Ögna skýrslu. Skýrslan var sannarlega gerð og skrifuð út á réttum tíma.

    B) Ögni skilaði inn handskrifaðri skýrslu sem er ekki fullnægjandi. Engu að síður hlýtur sú skýrsla að hafa samanstaðið af nöfnum leikmanna, kennitölum þeirra og treyjunúmerum. Það er hægt að bera þau gögn saman við gagnagrunn deildarinnar til þess að ganga úr skugga um að allir leikmenn eru löglegir. Sjálfur veit ég með vissu að allir leikmenn Ögna voru löglegir, enda sami hópur og hefur verið að spila í sumar.

    Það skal tekið fram að ég er hvorki í SÁÁ né Ögna.

    Ég skil ekki af hverju SÁÁ drullast ekki hreinlega til þess að sætta sig við það að þeir áttu ekki breik í Ögna, fari í nafnaskoðun og drullist til þess að klára sig af seinni tveimur leikjunum. Mitt lið skoðar aldrei leikskýrslu andstæðinganna. Ef við töpum leik þá vitum við að það er okkur að kenna. Ef við töpum leik þá erum við ekki að leggja okkur almennilega fram. Annar möguleiki er sá að andstæðingurinn er sterkari.

    Hvernig væri að sætta sig við staðreyndir SÁÁ í stað þess að reyna að komast upp úr milliriðlinum með þessu móti?

    Þetta er ekki svartur blettur á deildinni, þetta hefur ekkert með hana að gera.

  • Skrifað af 5*stunna fyrir meira en 690 vikur

    Nú hef ég lesið reglur deildarinnar og sé að það er enginn tímarammi til kæru og ætti Ögni því að leggja fram mótkæru vegna búningamála SÁÁ. Við tókum eftir þessari villu hjá þeim en ég veit svo sem hvernig við gætum sannað hana nema að dómarar leiksins hafi tekið eftir þessu einnig.

    Ég reyni einfaldlega að miðla til samvisku SÁÁ manna með því biðja þá um að staðfesta atriði væntanlegrar mótkæru Ögna varðandi búningamál liðsins þannig að leikurinn geti verið spilaður aftur. Það væri glæsileg framkoma og myndi sýna að utandeildin er leikur heiðursmanna sem spila fótbolta af ást af íþróttinni og engu öðru. Útkjálum þetta vellinum, hvað segiði?

    Kv. Gunnar #10

  • Skrifað af Voronin fyrir meira en 690 vikur

    Sem hlutlaus aðili verð ég að segja að þetta sé nú ansi harkalegt! Jú reglur eru víst gerðar til þess að fara eftir þeim en að tapa út af skýrslu sem ekki var prentuð á utandeildarsíðunni heldur handskrifuð verður að teljast með því blóðugasta sem til er! Finnst lélegt ef SÁÁ hafi ekki gert neina athugasemd við skýrsluna fyrir leik heldur farið í stjornina beint eftir leikinn, en ég segi til hamingju Ögni með sigurinn á SÁÁ þó svo þetta skítamál hafi eyðinlagt fyrir ykkur en í mínum huga og flestra unnið þið fair and square!

    9. gr.

    Útbúnaður leikmanna: Liðin skulu spila í treyjum með númeri og skulu þær allar vera eins útlítandi.

    Er SÁÁ ekki að brjóta reglur þarna ef einhver var í öðruvísi treyju og má þá ekki mótkæra þá!??

    Þó mér sé svo sem sama um þetta finnst mér þetta fáranlegt ef SÁÁ geta bara kært eins og enginn sé morgundagurinn og sleppa svo sjálfir með brot á reglum!

    Það er ekki fair!

  • Skrifað af möllerinn fyrir meira en 690 vikur

    Það var mikið að allt yrði vitlaust í þessari deild! Möllerinn þrífst á óreiðu, brennivíni og slagsmálum. Ef þessi leikur verður spilaður aftur mun Möllerinn mæta bera að ofan, með stríðsmálningu í andliti og buttplug í fjósinu.

    Möööööööööööööööööööööööööööööö!

  • Skrifað af Harry fyrir meira en 690 vikur

    Það er alveg hlæjilegt að heyra menn hérna verja svona hluti eftir leik þegar staðreyndin er sú að kæra er alltaf niðurstaðan í svona málum hvort sem það er úrslitin eða riðlakeppnin....Flest lið deildarinar taka svona á málunum og það að halda því fram að við höfum ekki átt break í Ögna menn setur þig algjörlega þeirra megin því þannig lá leikurinn ekki þótt þeir hafi klárað þetta 2-0 með fullri virðingu !!!

  • Skrifað af addorri fyrir meira en 690 vikur

    Ég tek undir með liðsfélaga mínum, honum Gunnari. Einnig kemur hvergi fram að tilkynna þurfi brot andstæðinganna samdægurs, en það voru mótrök stjórnar UD þegar ég tilkynnti þeim að við hyggðumst kæra SÁÁ á móti. Því sé ég ekkert þess til fyrirstöðu að við fáum dómnum snúið okkur í hag.

  • Skrifað af hrsteinsen fyrir meira en 690 vikur

    Harry : Þið eruð samt alltaf að gleyma því að þið létuð okkur ekki fá leikskýrslu, eruð þið þá ekki jafn brotlegir og við ???

  • Skrifað af 4hero fyrir meira en 690 vikur

    Ég er leikmaður SÁÁ og heyrði af þessu öllusaman núna í hádeginu. Auðvita er þetta ömurlegt mál að klúrðra pappirsvinnu þegar komið er svona langt í mótið og skil ég Ögna menn vel þar sem þeir unnu leikinn. En reglur eru reglur og ekki spurning um að mönnum beri að fara eftir þeim. Það hefði verið slæmt fordæmi að láta eftir þessu og aðhæfast ekkert og mundi það bara búa til vesen í framtíðinni þegar þetta kemur upp aftur.... þetta mun pottþétt koma upp aftur.

    Þjálfari okkar var tilbúinn með skýrslurnar amk hálftíma fyrir leik en þá var enginn hjá Ögna mættur. Ögna menn voru ekki mættir niður á völl fyrr en kannski 5 mínútur áður en leikurinn átti að hefjast ( fyrir utan 2 leikmenn sem voru þarna að hita eitthvað upp ) þannig að hann tjáði öðrum dómaranum það að skýrslan lægi á borði við innganginn því það var enginn m´ttur til þess að taka við skýrslunni.

     

    Fyrir mína parta væri ég alveg til í að endurtaka leikinn, en þá komum við aftur að því að það eru skýrar reglur um þetta og þeim ber að fara eftir.

     

    Gangi ykkur Ögna mönnum sem allra best og þið lærið bara af þessu.

     

    kv 4hero.... sem klúðraði dauðafærum í gær ;)

  • Skrifað af binniulla fyrir meira en 690 vikur

    Hvað þarf eiginlega marga leikmenn til að taka á móti einni skýrslu?? Ég hefði haldið að tveir væru meira en nóg.

  • Skrifað af 5*stunna fyrir meira en 690 vikur

    Úr reglum utandeildarinnar: 


    "10. gr.

    Ef upp koma kærumál skulu þau berast skriflega og/eða í tölvupósti til stjórnar."

    Ef við erum að þessu til þess að fylgja settum reglum einsog 4hero talar um (sem er auðvitað nauðsynlegt) þá eigum fullan rétt samkvæmt reglugerð utandeildarinnar til að leggja ennþá fram mótkæru þar sem það er enginn tímarammi gefinn.

  • Skrifað af Nr13 fyrir meira en 690 vikur

    Elsku Harry.

    Svo það komi fram skýrt hér og nú þá er ansi margt sem ég ekki skil og er framkoma SÁÁ í þessu máli þar ansi ofarlega á lista. Svo tengist ég á engan hátt hvorki liði Ögna né liði SÁÁ, þó mér þyki vissulega ansi vænt um þau mætu samtök. SÁÁ samtökin þrífast á heiðarleika, eitthvað sem knattspyrnuliðið samnefnt mætti gera líka. Samkvæmt þeim upplýsingum sem hér hafa fram komið virðist sem bæði lið hafi ekki staðið rétt að málum, sbr. brot SÁÁ á 9gr. er varðar útbúnað leikmanna. Jafnvel væri hægt að segja að bæði lið hefðu getað kært burtséð frá úrslitum leiksins sjálfs. En eingöngu annað liðið gerði það og það lítur satt best að segja ansi illa út fyrir SÁÁ. Heilindin virðast á bak og burt. Því segi ég aftur og ítreka það að SÁÁ ætti að girða sig í brók og draga kæruna til baka. Það eru nefninlega fullt af liðum í þessari deild sem hefðu alls ekki kosið að fara þá leið að ná í stigin 3 með kæru. Það eru enn óspilaðir tveir leikir í milliriðlinum og því kjörið tækifæri fyrir menn að sýna sitt rétta andlit.

    Með vinsemd og virðingu.

  • Skrifað af Harry fyrir meira en 690 vikur

    Elsku Nr13

    Nei það er kannski ástæðan Nr13...þú vasst ekki að spila í gærkveldi.
    Það er rosa auðvelt fyrir utanaðkomandi aðila að tjá sig um þetta mál þegar hann á ekki hlut í máli. En þegar lið hafa lent í þessu að þá er þetta niðurstaðan "kæra".......en að blanda SÁÁ sem stofnun og einhverjum heillindum inn í þetta mál er alveg út á þekju !!

  • Skrifað af daddi fyrir meira en 690 vikur

    Sælir Allir.

    SÁÁ samtökin og knattspyrnudeild SÁÁ er ekki samtengt. Og ber því að halda samtökunum utan þessarar umræðu.

    Staðan er sú að ákæran stendur, vegna leikskýrslu Ögna-manna.

    Sjálfur er ég í SÁÁ. Við höfum lent sjálfir í því að fá dæmdan af okkur (sigur). Það er mikið svekkelsi. En reglur eru reglur. 

    Vil ég taka það fram hér svo að þeir sem eru að lesa sig til um þennan leik. Þá voru SÁÁ menn í sínum búningum eins og alltaf. Veit ekki hvaðan sú fullyrðing kemur. Væri til í að fá rök en ekki staðhæfingar.

    Öll umræða á rétt á sér og er há lýðræðiseg. Styð ég hana. En í lýðræðislegu þjóðfélagi sem deildin er partur af gilda reglur og ber okkur öllum að fara eftir þeim. Við höfum þurft að læra af þeirri reynslu og ber öðrum liðum að gera það líka, ef það sama hendir þá. Þetta er ekki pirringur yfir tapi. Þetta erum við að fara eftir reglum deildarinnar.

    Endilega höldum umræðunni málefnanlegri.

    Með kveðju,

    Davíð.

     

     

  • Skrifað af vatnalilja#4 fyrir meira en 690 vikur

    Sem leikmaður myndi ég aldrei vilja vinna leik á þennan hátt.  SÁÁ tapaði leiknum á heiðarlegan hátt (ég fæ ekki betur lesið) og fyrir liði sem var klárlega betra á þeim degi.  Persónulega finnst mér að SÁÁ eigi að bjóða Ögna að draga kæruna til baka og svo tala við stjórnendur UD um að fá að spila leikinn upp á nýtt.  Ég sé ekkert því til fyrirstöðu að Ögni muni ekki þiggja það enda fullir sjálfstraust eftir fyrri viðureignina.  Nema að SÁÁ séu smeykir um að tapa aftur :0)

  • Skrifað af domari2 fyrir meira en 690 vikur

    Sælir drengir !

    Ég ætla ekki að mynda mér skoðun á þessu máli en vill benda á nokkrar staðreyndir er snúa beint og óbeint að mér sjálfum.

    Þegar ég mætti á leikstað fékk ég strax í hendur leikskýrslu frá SÁÁ, þegar ég bað Ögnamenn um leikskýrslu var mér tjáð að það hefði eitthvað misfarist hjá þeim en hún væri á leiðinni og gaf þeim frest til að skila henni í hálfleik (vissi ekki á þeim tímapunkti að skýrslan væri ekki á því formi sem reglur utandeildarinnar gera ráð fyrir). Ég tók ekki við báðum eintökum leikskýrslunnar frá SÁÁ þar sem ég ber ekki ábyrgð á því að liðin skipta sínum eintökum á milli sín. Í hálfleik fékk ég í hendurnar algjörlega handskrifað A4 blað með nöfnum kennitölum og númerum leikmanna Ögna frá einum af þeirra leikmönnum. Ég sagði við umræddan leikmann að SÁÁ gæti gert vesen út af leikskýrslunni. Mér datt ekki í hug að flauta leikinn af í hálfleik þegar ég tók við "leikskýrslunni" þar sem það er ekki í mínum verkahring að leggja fram kæru. ÉG BER EKKI ÁBYRGÐ Á KÆRUNNI.

    Leikurinn sjálfur var mjög heiðarlega leikinn og vill ég þakka báðum liðum fyrir drengilegan leik.

    1 að lokum, mér finnst að menn ættu allir að sýna þann manndóm að skrifa undir eigin nafni.

    kveðja, Hörður dómari

  • Skrifað af binniulla fyrir meira en 690 vikur

    "Þetta er ekki pirringur yfir tapi. Þetta erum við að fara eftir reglum deildarinnar." - daddi

    Örugglega skemmtilegasta kommentið sem ég hef lesið hérna í dag.

  • Skrifað af joi81 fyrir meira en 690 vikur

    þetta mál er ömurlegt ég er í sáá og væri alveg til að spila þennan leik aftur.og talandi um að við ættum ekki break í ögna..

    þá held ég að allir sem voru að horfa á þennan leik í gær geta verið sammála um að sáá átti síst minna í þessum leik

  • Skrifað af Keisarinn fyrir meira en 690 vikur

    Það er auðvitað hárrétt sem fram kemur hjá mörgum hér að reglur eru reglur, um það efast enginn. En að sama skapi þá efast maður um að það hafi nokkurn tímann hvarflað að leikmönnum/forráðamönnum SÁÁ liðsins að kæra vegna leikskýrsluforms nema af því að þeir eru tapsárir. Ef SÁÁ hefði unnið leikinn myndu þeir varla gera veður út af þessu, enda kemur pappírsformið sem skýrslan á að vera skrifuð á útkomu leiksins sem slíkum ekkert við. Öðru gildir ef notaður er ólöglegur leikmaður, sem áhrif hefur á útkomu leiksins. Að fara allt í einu að predika móralskt um að reglur séu reglur eftir þetta er pínulítið dapurt. Reglur eru líka reglur þegar maður vinnur leiki, en þá dettur fæstum í hug að kæra, samviskan nær ekki lengra en það.

    En það eru enn tvær umferðir eftir og vonandi ráðast úrslitin á vellinum.

    Hrafnkell,
    leikmaður Ögna.

  • Skrifað af Harry fyrir meira en 690 vikur

    Vill nota tækifærið í öllu þessu fári og þakka Herði dómara og hinum sem ég man ekki nafnið á fyrir vel dæmdan leik.

    Kv Heimir SÁÁ

  • Skrifað af arnorb fyrir meira en 689 vikur

    Mér finnst ekki vel tekið á móti nýliðum deildarinnar með þessum hætti og skora ég á SÁÁ að draga kæruna til baka og gera það sem er sanngjarnt í stöðunni.

    Arnór,

    leikmaður Kef fc

  • Skrifað af Duffi 23 fyrir meira en 689 vikur

    Það er mjög eðlilegt að kæra, sérstaklega eftir leik. Ekki kærum við áður en brotið er komið.

Til að leggja eitthvað til málanna þarf notandi að vera innskráður